Laneko Arriskuen Prebentzioa

1. LANEKO ARRISKUEN PREBENTZIOA

Laneko arriskuen prebentzioaren esparru juridikoak enpresan jardueraren bat egiten dutenen osasuna babesteko betebeharra ezartzen du enpresaburuarentzat eta langileentzat. Horrek esan nahi du arauetan ezarritakoa bete behar dutela, eta osasunari kalterik ez egiteko beharrezkoak diren neurri osagarri guztiak hartu behar dituztela. Alde horretatik, oso garrantzitsua da enpresaburuari eta langileei informazioa eta prestakuntza ematea, osasunerako mehatxu izan daitezkeen ezustekoak detektatzeko eta horien aurrean behar bezala jokatzeko. 

Prebentzioko araudian printzipio hauek ezarri dira enpresaburuek betetzeko:

• Arriskuak saihestea.

• Saihestu ezin diren arriskuak ebaluatzea.

• Arriskuei jatorrian aurre egitea.

• Lana pertsonari egokitzea, eta lanerako eta produkziorako ekipo eta metodo egokiak aukeratzea.

• Bilakaera teknikoa kontuan hartzea.

• Arriskutsua denaren ordez arrisku txikikoa edo arriskurik gabea dena erabiltzea.

• Prebentzioa planifikatzea, teknika, lanaren antolaketa, lan-baldintzak, gizarte-harremanak eta ingurumen-faktoreek lanean duten eragina kontuan hartuta.

• Babes kolektiboa norberaren babesaren aurretik jartzen duten neurriak hartzea.

• Langileei jarraibide egokiak ematea.

• Langileen deskuiduak edo zuhurtziagabekeria ez-ausartegiak aurreikustea.

• Langileei informazioa eta prestakuntza eman behar zaie enpresa osoan eta lanpostu-mota bakoitzean dauden arriskuei buruz, bai eta arrisku horiei aplika dakizkiekeen babes- eta prebentzio-neurriei eta -jarduerei buruz ere.