Social Selling

1. INTERNET ETA SARE SOZIALAK ETE-ETAN

Internet eta sare sozialak oso eragin handia izaten ari dira ETEen enpresa-kudeaketan. Hala ere, batzuetan honelako esaldiak ikusten dira:

• “Teknologiak eta enpresa txiki eta ertainek ez dute oso bikote ona egiten: oinarrizkoena bakarrik daukate, ordenagailua, mugikorra, Internet...”
• “Bilakaera-prozesu logiko bat gertatzen ari da enpresak online munduan txertatzeko, baina... prozesua motela da eta ez oso eraginkorra” - Emprendedores aldizkaria.

Hala ere, digitalizazioa offline zegoena online jartzea dela pentsatzea akats handia da. Izan ere, online bezeroaren portaera eta offline bezeroarena desberdinak dira.

• Zergatik egon behar dut Interneten? Zure enpresaz ezer kontatzen ez baduzu, inork ez du haren berri izango.

• Zergatik egon behar du nire negozioak Interneten? Datuak, datuak, datuak.

• Gogoratzen du inork nola ziren Orrialde Horiak? Googlek ordezkatu ditu. Egunean 24 orduz irekita, urtean 356 egunez.

• Erakusleihoa, ez agertokia! Nire negozioa mundura zabaltzen da. “Lehiakideak bertan badaude, agian nik ere egon beharko nuke.”

Laburbilduz:

Internet eta sare sozialak…

• Aukera bat dira, baina ez iraultza.

• Haietan egon behar dut, norbait nire bila balebil ere, baina aurkituko nauten tokian egon behar dut.

• Beti ez dut lortuko gehiago saltzea, baina bezeroak nire erakusleihora hurbilduko ditut (bezero potentzial izatetik bezero izatera!!).

• Marketin tradizionaleko ekintzak ez dira ahaztu behar (horiek ere aldatzen ari dira).

• Eta gogoan izan behar da garrantzitsuena bezeroak direla! ☺

• Eta bezeroak izatea baino ia hobe da fan izatea!