Egoera Finantzarioak

2. BALANTZEA: AKTIBOA ETA PASIBOA. NOLA DAGO OSATUTA NIRE ENPRESA?

2.6. Kasu praktikoa

Sarah Martínek oso gogoko du puntua egitea, eta hainbat urte daramatza patroiak egiten eta eskolak ematen bere YouTubeko kanalaren bidez; gero eta jarraitzaile eta eskaera gehiago ditu, eta ekintzailetzara jauzi egitea erabaki du.

Hasteko, dituen jarraitzaile guztien bidez dirua nola lortu dezakeen pentsatu behar izan du; ezagutzen ditu haien gustuak eta haietara iristeko bideak, baina, zaletasun horri etekina atera ahal izateko, konturatu da bere irudia profesionalizatu behar duela, eta online eskolak emateko gela birtual bat eta online denda bat sortu behar dituela.

Orain arte doako kanalak erabiltzen zituen, eta horiek erabiltzen jarraituko du jendea erakartzeko, baina gero, bere webgunera bideratuko ditu. Bertan, honako atal hauek izango ditu, gutxienez:

Online denda
Ordaintzeko pasabidea
Gela birtuala

Horrez gain, sareen bidez marka pertsonal bat sortu du, baina logotipo bat behar du, bidalketetarako packaginga, etab. Horretarako ere inbertsioa egin beharko du.

Azkenik, konturatu da bezeroei zerbitzu ona eman ahal izateko ordenagailu hobe bat eta bere irudi pertsonalarekin bat datozen altzariak eta dekorazioa behar dituela.

Aurrekontua eskatu du, eta emaitza hau da:

Hasierako gogoetaren ondoren, inbertsioaren zenbateko globala kalkulatu ahal izan du:

Horixe izango litzateke inbertsioaren hasierako eskema, baina, nola egingo dio aurre, 3.000 €-ko ekarpena egin badezake?

Ekipamendu informatikoa erosteko, “porte Francés”en eskaintza bat aprobetxatuko du, finantzaketa eskaintzen baitiote 24 hilabetetara interesik gabe. Hortaz, 1.028,5 € egotziko ditu pasiboaren epe luzeko partidan, eta gauza bera pasibo arruntean. Saltoki handi horien finantza-erakundeak mikro-kreditu moduko bat tramitatuko du bere biltegietan erosketak egiteko; 24 hilabete baino gehiago direnez, bitan zatituko da zenbateko osoa, eta pasiboaren barruan, bi lauki desberdinetara eramango da.
Eta altzariak erosteko, ordainketa geroratu egingo du, bi zatitan egiteko, hiru hilabetetara, eta horrela agertuko da pasibo arruntean.

Horixe izango litzateke enpresaren hasierako balantzea.