Ingurumena

1. INGURUMENAREN KUDEAKETA

Enpresaren ingurumen-kudeaketa hobetzearen helburua da:

• Gure enpresaren lehiakortasuna hobetzea.

• Inguruneari mesede egitea.

1.1. PUNTU KRITIKOAK EBALUAZIO ENERGETIKOAN

 Ingurumen-ebaluazioa egiten denean, zenbait puntu kritiko daude:

• Energia-kontsumoa identifikatzea eta kuantifikatzea.

• Energia-kontsumoaren jatorria zehaztea eta kuantifikatzea.

• Makinak, argiak, hozkuntza/berokuntza, etab.

• Kontsumoa zerk areagotzen duen identifikatzea.

• Tarifak aztertzea.

• Aldaketak diseinatzea, instalazioak hobetzea, prozedurak aldatzea.

Jarraian, hiru esparrutan proposatutako hobekuntzak ebaluatu behar dira:

• Hobekuntzak prozesuetan eta prozeduretan: gauzak beste era batean egitea. Lan egiteko modua aldatu behar da: balbula bat itxi, tenperatura zaindu, hondakinak bereizi, etab. Inbertsio txikiak eta motibazio handia behar dira. Giza taldearen inplikazioa ezinbestekoa da.

• Hobekuntzak teknologietan: merkatu-azterketa sendo bat egitea eraginkortasuna hobetzeko irtenbide egokiena aurkitzeko. Gure teknologia-hornitzaileak integratzea lortu behar da, gure instalazioetara ekarriz eta haien proposamenak ebaluatuz.

• Hobekuntzak lehengaietan.

1.2. BOST ATAL GARRANTZITSUREN KUDEAKETA HOBETZEA

 Ingurumen-kudeaketak bost alderdi nagusitan jartzen du arreta:

• Papera
• Sortutako hondakinak
• Uraren erabilera eta kontsumoa
• Energia-kontsumoa
• Garraioa

Papera

Paperaren barne-kontsumoa murrizteko neurrien artean, honako hauek nabarmendu behar dira:

• Fotokopiak eta argitalpenak bi aldeetatik eta paper birziklatuan egin.
• Beharrezkoa ez den posta eta argitalpenak jasotzeari utzi.
• Marketineko material eta argitalpen gutxiago egin: banaketa-zerrendak urtero berrikusi. Datu-baseak aldian behin eguneratu.
• Barne- zein kanpo-komunikaziorako bide elektronikoak erabili; horrela, inprimagailuak, fotokopiagailuak eta faxak gutxiago erabiliko dira. Horretarako, ahalegin handia egin behar da langile guztiei prestakuntza emateko eta komunikazioaren teknologia berriak eskura izateko.
• Faxak modu egokian konfiguratu, behar ez diren izenburuak edo berrespen-txostenak automatikoki ez inprimatzeko.

Papera berrerabiltzeko asmoa badugu, erosketa-kostuak murriztearren, besteak beste neurri hauek hartu daitezke:

• Astean behin alde bakarretik erabilitako paper guztia jaso eta zirriborroak inprimatzeko edo ohar-blok gisa erabili.
• Ahal den guztietan gutun-azalak berrerabili, artxibatzeko eta barne-komunikaziorako.
• Deuseztatze-kostuak murriztearren, papera birziklatu nahi badugu:
• Papera biltzeko edukiontziak jarri lan-eremu guztietan (bat sei langileko).
• Paper estandar gisa paper birziklatua erabili % 100ean.
• Langileentzako komunikazio-kanpainak egin, zer paper-mota birzikla daitezkeen azaltzeko.

Sortutako hondakinak

• Ordenagailu bidezko aurkezpenak paketatzeko azetato gutxiago erabili.
• Eskaera-sistema berri bat ezarri, papergintzako materiala murrizteko.
• Plastikozko edalontzien ordez, zeramikazko ontziak erabili saltzeko makinetan.
• Bileretarako catering-planak egin eta bertaratuko den pertsona-kopurua berretsi, behar dena baino eskaera handiagorik ez egiteko.

Berrerabiltzeari dagokionez, aldaketa hauek egin daitezke:

• Ekipo informatikoen erabilera hobetu, ekipo zaharrak eguneratuz eta lan errazetarako erabiliz (adibidez, inprimaketako zerbitzari gisa).
• Hornitzaile informatikoekin hornikuntza-kontratuak sinatu, hondar-balioa baloratuta.
• Altzariak berrerabili, berriak erosi beharrean.

Uraren erabilera eta kontsumoa

• Txorrotak behar bezala ixteari buruzko informazio-kanpaina egin ur-puntu bakoitzean.
• Automatikoki ixten diren txorrotak jarri, ohiko txorrotekin erabilitako uraren erdia aurrezteko.
• Zisternetan kontrolagailu automatikoak jarri, bulego-orduetan soilik erabiltzeko.
• Zisterna bakoitzean erabilitako ur-bolumena murrizteko gailuak jarri.

Energia-kontsumoa

• Berokuntza- eta hozte-sistemak deskonektatu inork erabiltzen ez dituen eremuetan.
• Tenporizadoreak eta tenperatura kontrolatzeko sentsoreak erabili sistemaren errendimendua kontrolatzeko.
• Leihoetan isolamendu-sistemak eta korronteen aurkako sistemak jarri, bero-galerak saihesteko.
• Tungstenozko bonbillen ordez kontsumo txikiko hodi fluoreszente trinkoak jarri.
• Komunikazio-politikaren bidez, argi naturala gehiago aprobetxa dadin sustatu eta “itzaltze” kanpaina egin.
• Argiztapen-kontrolak behar bezala identifikatu.
• Ekipo informatikoetan “Energy Star” edo “energia-aurrezpena” aukerak erabili (konfigurazioan bertan aktibatu).
• Ekipo informatikoak deskonektatu (bereziki, monitoreak), erabiltzen ari ez direnean.

Garraioa

• Joan-etorriak planifikatu eta bilerak leku irisgarrietan egin.
• Jarduerak garraiobide publikoetatik gertu egin.
• Etxean lan egiteko aukera aztertu (telelana).
• Komunikazio-teknologien erabilera areagotu: posta elektronikoa eta bideokonferentzia.
• Garraiobide eraginkorren erabilera sustatu.