AMIA eta helburu estrategikoak

Plangintza estrategikoaren ereduan honako elementu hauek hartzen dira kontuan:

Misioa

• Erakunde baten izaera, nortasuna eta izateko arrazoia.
• Erakunde bat zergatik existitzen den eta enpresaren existentzia jarraitua zer xedek justifikatzen duen deskribatzen du: nor naiz, zer egiten dut, norentzat eta nola.

Balioak

• Konpainiaren kulturaren oinarri diren sinesmen eta printzipio moralak.
• Balioak arrazoi komertzial, emozional, moral edo etiko batengatik sor daitezke. Balio argiak, partekatuak eta onartuak izan behar dute.

Ikuspegia

• Etorkizunean zer nolako erakunde mota izan nahi dugun. Hori izango da ernamuina, eta hortik sortuko dira urte bakoitzerako lan-ildoak eta helburuak.
• Laburra, argia, partekatua, lorgarria eta motibatzailea izan behar du, eta aldizka berrikusi egin behar da.

 

Arrakasta-faktore kritikoak

• Erakundearen zer alderdi diren erabakigarri bikaintasun-maila lortzeko.
• Erakundeak lehiakideek baino askoz gehiago garatzen badu positiboki, lehiatzeko abantailak izango ditugu.

AMIA

Enpresaren egoeraren diagnostikoa egiteko tresna da AMIA. Honako hauek identifikatzen laguntzen du:

• Helburu estrategikoak
• Ahuleziak (horietaz jabetzea eta hobetzen saiatzea)
• Inguruneko mehatxuak (aurrea hartzeko eta/edo zuzentzeko)
• Enpresaren indarrak (baliatzeko)
• Aukera berriak